Urritasun mota eta menpekotasun maila desbardineko ondorenak daukiezan 107 pertsona adinekoentzat sorospen baliabideak daukaz Orue Fundazinoaren Egoitzak.

Adinekoen beharrizanei erantzuteko beharrezko baliabide materialak eta pertsonalak eta nahitaezko laguntzarako egitasmoak daukaz.

Zentroan sartu beharrean dagozan bezeroei, euren mugen barruan, bizi kalitate egokia ziurtatuko deutsen zerbitzu osoa eskeintzea da Egoitzaren ezaugarria.

Proiektu honen sustatzaile eta partaide lez honeek azpimarratu geinkez: Fermin Iraolagoitia eta Patxi Jabier Jaio Pasiotarren Kongregazinoaren izenean, eta Jose Ignacio Castresana eta Fernanda Jauregi, Alfonso Castresana eta María Jose Victoria de Lecea eta Jesus Arrospide eta Maria Concepcion Erkoreka senar-emazteak. Proiektu barriez aurrera jarraitzekotan dira, Orue aldean gero eta inguru egokiagoa eraikiten joateko asmotan.